Main tu abbu ki Beti Hoon– In memory of my beloved Abbu on his 5th Barsi

merai bachpan kai din, kitnai acchai thai din

merai bachpan kai din, kitnai acchai thai din

Mai tu abbu ki beti hoon,
apnai abbu ki beti hoon…
woh abbu jin kai dam sai zindagi abad rehti thee
woh abbu jin ki cahat jugnoaun ka saat lagti thee

Meri sari hee rahain aik unhi kai dum sai roshan theen
Meri saari panahain aik unhi kai zaat ka ghar theen
Woh jo saarai zamanai kai liya ghaizo-ghazab ka paikar thai
aur merai saamnai goya mehaz aik maum ka bot thai

Meri aik muskurahat un ki zeest ka hasil tha
meri chalki nigahain un kai dil ko cheer detein theen
Woh jin kai haath ki hiddat mai ab tuk apnai shano per mehsoos karti hoon
woh jin kai piyar ka lams merai mathai ka jhumar tha

Woh jub bhi ghar ko atai saath apnai bazar laata thai
Merai hur zaiqai hur shoq ki taskeen ka saman laatai thai
Unhai sub yaad tha jo kuch merai dil ko lubhata tha
So merai hur dukh hur tishnaqi ka madawa un ka eman tha

Woh Tera March ka din tha haftai ki subhu thee
Jub meri zindagi mera maan merai abu hamashai kai liya hum sai juda huai
Woh abu jin ki batai hur dum hamain rulati aur hasanti thee
Dabai paon aisa rukhsat hua kai meri zindagi kai hur warq pur sannatai ka pehra hai

Na koi aahat, na dastak, na sada, na siski, na dharka
Na ab woh cahatai na lams, na woh nigahain hain
Kai jin ki garmiyon sai merai sub ehsaas zinda thai
aur jin ki khusboun sai merai bachpan kai din mehaktai thai

Na jatai hua unhon nai kuch kaha na hi mera dil dharka
Bhala koi apni jaan sai piyari beti ko yun bhi chor jaata hai
Woh abu jin kai dum sai zindagi kuch bafiqar si thi
Woh lub jin ki duai hamaisha merai saath chalti theen

Meri her kamyabi main unhi ka aik sahara tha
Meri her nakami main unhi ka dum gawara tha
Na ab woh dua, na lab, na dum, na saya na baifiqri
Mehaz aik yaad baki hai fakat ehsaas baqi hai

abu with me at my wedding

Kitna pyar kitna dular us aik nigha main abbu with me at my valima

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s